“ជាតក”
“ជាតក” គឺជាពាក្យបាលី (អានតាមលំនាំបាលី
“ជាតៈកៈ” តែប្រសិនជាអានតាមលំនាំខ្មែរ “ជាដក់”) ។ ខ្មែរបុរាណបដិសេធ “ក” (ជាតក៍)
អានថា /ជាត/ ។[1]
តាមវចនានុក្រមខ្មែរ របស់សម្ដេច ជួន ណាត បានពន្យល់ថា
“ជាតក គឺជារឿងរ៉ាវពីក្នុងជាតិមុនៗ ដែលលោកអ្នកបានលុះញាណវិសេស សម្រា ប់ដឹងជាតិ
លោកសំដែងប្រាប់ យ៉ាងដូចជាតកទាំង ១០ មានតេមិយជាតកជាដើម ដែលព្រះ
សក្យមុនីសព្វញ្ញាពុទ្ធទ្រង់សំដែង
។[2]
លោកសាស្ត្រាចារ្យញ៉ុក ថែម បានកំណត់និយមន័យថា
“ជាតក គឺជាសមូហភាពនៃរឿងរ៉ាវទាំងឡាយដែលជាអតីតជីវិតនៃព្រះពុទ្ធគោតមបរ មគ្រូក្នុងអំឡុងដែលព្រះអង្គបានអន្ទោលទៅចាប់កំណើតក្នុងភពផ្សេងៗជាអនេកជាតិ
។
ទោះបីព្រះអង្គអន្ទោលទៅចាប់កំណើតជាអ្វីក៏ដោយក្នុងឋានៈជាអង្គព្រះពោធិសត្វទ្រង់តែងបានបំពេញសកម្មភាពខាងផ្លូវមនុស្សធម៌សុចរិតយុត្តិធម៌មានព្រះទ័យសប្បុរសប្រកបដោយមេត្តាករុណាតែងជួយសង្គ្រោះអ្នកដទៃ
ឬសត្វដទៃដើម្បីឲ្យគេបានផុត
ចាកក្ដីទុក្ខលំបាកវេទនាផ្សេងៗ
។”[3]
ឯលោកមហាឈឹម‑ស៊ុម វិញបានកំណត់ថា “
ពាក្យថា
«ជាតក» ក្នុងទីនេះមានន័យថាគម្ពីរ ឬ
រឿងដែលសម្ដែងអំពីចរិយានៃព្រះពុទ្ធកាលកើតក្នុងជាតិមុន ។ ព្រោះថាគម្ពីរជាតក
ឬរឿងជាតកគឺជាគម្ពីរ ឬរឿងដែលសម្ដែងក្នុងបុព្វចរិត ឬបុព្វចរិយានៃមនុស្ស ឬតិរច្ឆាន
ឬក៏ទេព្ដា ដែលកើតហើយក្នុងជាតិមុន ឬភពមុនកន្លងទៅហើយ” ។[4]
ចំណែកឯលោកសាស្ត្រាចារ្យបណ្ឌិត ឃីង ហុកឌី
ក៏បានកំណត់និយមដែរថា “ ជាតក ឬជាតក៍ ជានាមស័ព្ទករណនាម ប្រែថា ៖រឿងសម្រាប់សម្ដែងយ៉ាងពីរោះនូវការប្រព្រឹត្តិនៃព្រះភាគ
(ព្រះពុទ្ធ) ដែលកើតហើយក្នុងអតីត ។ កុំច្រឡំនឹងពាក្យថា «ជាតិ» ដែលប្រែថា «កំណើត» ឬ
«ការ
កើត»
នោះឡើយ” ។[5]
តាមការសិក្សាស្រាវជ្រាវកន្លងមករកឃើញថា «ជាតក»
ទាំងអស់មានចំនួន ៥៤៧ និងមានប្រភពដើមពីគម្ពីរព្រះត្រៃបិដកផ្នែកខាងព្រះសុត្តន្ត
បិដកភាសាបាលី ។[6]
[1] ឃីង
ហុកឌី, កម្រងសិក្សាកថាខ្មែរ, ឧទ្ទិសប្រគេន ព្រះធម្មារាមោ ប៉ុណ្ណ‑សុម្ភាជ,
ត្រង់អត្ថបទ សិក្សាមហាវេស្សន្ដរជាតក, ២០១១, ទំព័រ ២៨០ ។
[5] ឃីង
ហុកឌី, កម្រងសិក្សាកថាខ្មែរ, ឧទ្ទិសប្រគេន ព្រះធម្មារាមោ ប៉ុណ្ណ‑សុម្ភាជ,
ត្រង់អត្ថបទ សិក្សាមហាវេស្សន្ដរជាតក, ២០១១, ទំព័រ ២៨០ ។
[6] ឃីង
ហុកឌី, កម្រងសិក្សាកថាខ្មែរ, ឧទ្ទិសប្រគេន ព្រះធម្មារាមោ ប៉ុណ្ណ‑សុម្ភាជ,
ត្រង់អត្ថបទ សិក្សាមហាវេស្សន្ដរជាតក, ២០១១, ទំព័រ ២៨១ ។
No comments:
Post a Comment